هذا كل اللي جنيته

يعني من قل المصايب صاب هذا الصدر ضيق
ولا يعني من حلاة الحظ وعلو
المكانــــه

ذي حياتي من مضيق .. في مضيق .. في مضيق
ولو بحثت الصبر فيني ما اجد للصبر
خانـــــــه

عادتي لاتضايقت ادور حضن وعيون الرفيق
مشكله؟ لاصار ضيقي منه واحزاني
عشانـــــه

ضيق صدر..وجرح قلب .. ودمع عين .. ونشف ريق
هذا كل اللي جنيته وماقدرت اجني
حنانــــه

استر لنفسي اعيش بضنك واحزان وحريق
ولا اموت من القهر وتكون موتتها
جبانـــه

طالما بيني وبين الموت ماحاجه تعيق
غير خوفي من غضب ربي وانا مسلم
ديانــــه

لانويت امسح جميع اوراقي الاولى افيق
وانصدم في واقعي المزري وفي قسوة
زمانــــــه

مدري كن الحزن فيني شاف له نعم الصديق
مدري يمكن كنت فعلا كفو للحزن
وتكانـــــه

والفرح كالثوب لكن يبدو انه مايليق
دام لبسه لاي خاسر ماوراه الا
الاهانـــه

آآآآه ياحزني ترفق صاحبك جرحه عميق
اشهد انك يارفيق العمر طيحت
الميانــــه

ويعني من قل الخساير صاب ذاك الصدر ضيق
يكفي .. لا هالوقت وقته ولا مكانه
هو مكانــــه

مشكور اخوي خافي المشاعر على مرورك الرائع